قصيدة كلنا هنموت للشاعر زكي بدر

الجمعة أغسطس 08, 2014 12:04 pm

كلنا هنموت
هنشعر ب احساس
لم نشعر به
في مكان لم نسمع به
يعمهٌ الظلام والموت

لو الروح مشيت
هنشوف بعضنا في زنزانة
سنرى حب أو اهانة
سنرى ارواح العذاب وتبقى دي النهاية
الموت

نهاية الطريق
معروفة يا صديق
الخير والشر كلنا عارفينه
يبقى ندور على الطريق

بعد الموت مافيش كلمة نتوب
هتلاقي مصيرك
عذابك او راحتك
انت وضميرك

حب ربك
نظف قلبك
ده ف لحظة تقابله
و ف لحظة يقابلك

هتقوله ايه وهتقف ازاي
هتعيط وتقول كفاية عذاب
كفاية الالامات
ولا هتكون عايش وحاسس انك
انسان مات

هتقوله كنت بسرق
كنت بحلف كنت انسان
في الدنيا مليش ثمن
كنت عايش وكنت ميت من كتر الألم

هقوله ظروف
الدنيا وحشة
وعيشت فيها
ورضيت

قلدت الناس
مهما عملت ومهما فعلت
علشان اعرف أعيش
وابقى زي الناس
أكل عيش

كنت جعان فسرقت
كنت عايز ابقى اقوى
فـ قتلت
وحبيت الدنيا

عشت فيها بكل جبروت
ونسيت اني هقابلك
والنهاردة ده كان يوم
الموت

مش قادر يارب
اوصفلك انا حاسس ب ايه
خجلان بالعالم الي اتمسكت
بيه

وبكل سهولة تركتك
وبدون تفكير بعدت عنك
ونسيت ان في يوم
هقابلك

مليش اعذار
ومصيري وحياتي ملهاش طعم
وحكمك عليَ
هيكون اشد عقاب

بس لو تديني
فرصة
كنت رجعت
كنت هبقى انسان مليش مكان
في عالم الشيطان حبه

كنت اتمنى اموت
وانا عايش
احسن مانا بتعذب في مكان
انا مش حبه

كنت اشوف المحتاج
واديله من جيبي
والغلبان والبردان
احميه ف بيتي

بس حاسس اني بقول كلام
الي يعيش ف الدنيا دي
ميتعلمش غير الكلام
لكن ال يعيش في كتابك
يعمل افعال افعال

وبعد ما سمعت
كلامه
واتعذبت ب اعمالي
واحكامه

فجأة قال
هديك الفرصة
لآني بحبك
مضيعش الفرصة

وركزت كويس
في كلامه وفرحت قوي
قال لي ان حياتي
مش طويلة وخلي بالك
لحسن تضيع الفرصة

قال لي كل يوم انت بتموت
وانا بحميك وبسامحك
فاكر لما كنت ف الطريق
وانا بعدت عنك الخطر

فاكر لما كنت قريب
وانت في وسط المرض
والالاماتك
شفيتك من المرض

كل الفرص دي
انا مديهالك
شوفت انا ازاي بحبك
عرفت اي هي النهاية؟

قلم : زكي بدر