قصيدة خيالي واسع للشاعر زكي بدر 2014

الثلاثاء أغسطس 05, 2014 12:55 am

[size=33]قصيدة خيالي واسع للشاعر زكي بدر 2014[/size]

” خيالي واسع “

خيالي واسع بيسافر
في الدنيا بيتفرج على
الوانها من ابيض واسود واحمر
وبلدي الي بحبها

اسيبها واسافر؟
أسيبها وانسى اراضيها
وانسى ان في يوم عشت فيها
والهو في دنيا تانية
سمائها الغموم

البنزين زاد
والدنيا غليت
والنار قادت
والارض مشيت

بدور على الصبر
والصبر مش لاقيه
هتدور على العيش
مش هتلاقيه

فين احلام الشباب؟
فينهم في المجتمع
الي قال عنهم
شباب

ياه على الكلام
كله عسل وسكر
بس لما نشوف المر
يبقى ننسى الكلام

كل واحد رأيه مختلف
ولو كنا رأي واحد
مكناش ف الدنيا
نختلف

عايشين في فترة
صعبة ومحبطة
أصلها فترة تغيـــر
لازم تعيشها وتقفل بقك كدة

أصل هتقول اي
ومين هيسمع؟
اهو الناس بتقول
وحد منهم فاكر انه سمع

انا بقول
اعمل الي تقدر عليه
حتى لو المجتمع ضال
دور انت عليه

علَمه غلطه
وابعد عن الغلط
وصحح وعلم
الناس الغلط

ده بفكرة تخترع
ومن اختراع تبقى
من الناس مختلف
ده الطفل قدر وبقى مخترع

دور أنت على
موهبتك وشوفها
ابعد عن الناس المحبطة
وجرب انت تعرفها

ولو عرفتها هتلاقي
حاجات كتير جامدة
هتتغير وتبقى في الارض
عايش

عايش بـ حُرية
وهتبقى غريب في الدنيا ديَ
وممكن مشهور او عالم كبير
بس متنساش احبابك والناس ديَ

متسبش ارضك ووطنك
واستحمل اليوم الواعر
وافتكر أنها ارضك
ومهما طال الزمن
علمك هيبقى عالي
وهتفضل بردوا ارضك

قلم : زكي بدر