قصيدة الطفل المفقود للشاعر زكي بدر 2014

الثلاثاء أغسطس 05, 2014 12:52 am

[size=33]قصيدة الطفل المفقود للشاعر زكي بدر 2014[/size]

الطفل المفقود

أب قرفان من أبنه
وفرحان أنه بعد عنه
و ابنه مش لاقي اهتمام
حتى الحنان مش لاقيه

ولما يجي دور الام
تدور على ابنها
تلاقيها
نسياه
والام سايبة ابنها
للدنيا ومش معاه

ومش مهتمة بيه
يبقى اكيد مش عايزاه
مش للدرجة دي
ده المر بقى يعيش معاه

طب الاهتمام والحنان
نسيوه هو كمان
والطفل يعمل اي
مهو كدة بقى ..حرمان

ده هو حاسس انهم
كارهينه
تصدق دي؟
وفي الدنيا مش معاه

أنا خايف لحسن يكرهم
أزاي أبن يعمل كدة؟
مهو بردوا ميقدرش
يستحمل كل ده

يعني اي أب
يصغر أبنه
قدام الناس
يــاه على ده أب
معندوش أحساس

وفي الاخر
عاوز اعرفة معنى الابوة
والامومة والحنية
ومش عايزه يقول
مش عاوز اعيش في الدنيا دي

أنا من الجوة فاضي
محتاجك يا ابويا
ونبي ما تعمل قاضي
وخليك ابويا

ينفع كدة؟ اعد مع نفسي
وملاقيش حد يسمعني
واعيط من جوايا
وملاقيش حد معايا

وحالتي النفسية
ايوة دية ، شوف
بقت مدمرة
ومش طايق اعيش في الدنيا دية

أنا حاسس ان كل السنين
متولدتش فيها
مش شايف اهتمام
ف تاني بدور عليها

ده حتى عيد ميلادي
مش فاكرينه كمان
يــاه على ده زمن
مش لاقي فيه حنان

متلاقتش حنان
سيبت البيت
واقول اعوض الحرمان
ورحت لمكان تاني

أكيد هلاقي ناس
عمرها ما هتكون حرماني
أنا بجد زهقت
مهو مش لاقي مكان تاني

غير بيتي ، الفرحة هتكون هناك
بس الفرحة مش لاقياني

أيوة هي دي الي
بدور عليها
طول حياتي وانا
عايش بحلم بيها

طيب هو فين دورها
على ابنها تدور عليه
يعنى نسيته
ومش واخدة بالها
ليه؟

واصرخ من قلبي
واقول يا خويا اتصل
طب ياختي
خلاص نسيتوا ان ليكم
اخ

اخ عليكم .. يا خسارة
كنت فاكر
اني لو تهت او بعدت
هتجروا بسرعة ورايا

طب اروح لمين
اعيش فين
وادوق طعم الحياه
والحياة مش موجوده

أنا عاوز ارجع واقولك
أستحملني
ده انا ابنك
ومهما بعدت قرب انت مني

وانا هرجع ومش هبعد
وهنسى
كل حاجة حصلت فيَ
وهنسى كلمة.. حرماني

بس المرة الجاية
اوعى تنسى
لحسن لو بعدت
مش هرجع تاني

مش عارف اعبر
مش قادر
ما الفراق بيني وبينكم
بقى بحر

يا امي مش سامع صوتك
نفسي اشوفك
نفسي أحس
أن كان ليَ مكان في قلب

انا عملت حاجات كتير
بس بردوا
مهما حصل ومهما جرى
هبقى ابنك

ادوني شوية تقدير
أيوة بغير
لما تدي اهتمام لغيري
وتديني انا فطير

اسمعوا مني الكلام
وخلي بالكم
أصل دي حياه
ادوني ودانكم

لو مافيش تقدير
هيبقى الابن محتار وفقير
لآنه نقصان حنان
ابوه وامه وعيلته
من فضلكم حسوا بيه
وادوله حنـــــان وتقديــر

كلمات : زكي بدر