كيفيه الوصول بلجسم للضخامة العالية؟

الجمعة مارس 14, 2014 4:53 pm

الكثير من الاعضاء بيسألني عن كيفيه الوصول بلجسم للضخامة العالية .. وده علشان نتكلم فيه لابد من التركيز شويه معي يا ابطال يعني اكتفاء زاتي اذ كان علي انا عايز اكلمكم في كل شييء وربنا يعلم يعني لو هتبدا فى الضخامة لازم تتاكد ان نسبة الدهون فى جسمك مش اكتر من 15%

والا لازم تعمل كت للدهون دى لغاية ماتوصل ل15%

نيجى بقى للوجبات

اكلك فى الضخامة هيكون 50%كارب و40%بروتين و10%دهون مفيدة

اللى هى زيت الزتون والمكسرات الخ

دة بقى نظام وجبات الكوتش ادهونى ومشيت علية مدة 3شهور وشفت نتايج كويسة جدا

الوجبة الاولى

دى وجبة هيكون فيها حوالى 40 جرام بروتين وهى

6بياض بيض +لبن خالى الدسم+جبنة قريش +شوفان او عيش بلدى+3 موزات

الوجبة التانية

250 جرام رز مسلوق +علبة تونة+سلطة خضراء+تفاح او موز

على فكرة علبة التونة فيها 58 جرام بروتين طبعا هتقولولى 40 بس

هقولكم شركة صن شاين بتاعت التونة عاملة علبة لونها مشمشى ب7جنية الا ربع

العلبة دى وزنها 200 جرام ومكتوب من ورا عليها 29 جرام بروتين لكل 100 جرام

من التونة

الوجبة التالتة

نفس الوجبة اللى فاتت

الوجبة الرابعة

اللى هى بعد التمرين

150 جرام رز مسلوق+صدور فراخ+سلطة+تفاح او موز

الوجبة الخامسة ودى بقى عبارة عن منتجات البان وكازينات ودى مهمة جدا

خبز بلدى + جبنة قريش+ جبنة رومى +لبن خالى الدسم+زبادى

الوجبة السادسة

نفس الوجبة اللى فاتت بس مع تقليل الخبز

نصائح عامة

1- فى فترة الضخامة لازم تاكل كويس جدا جدا جدا لانك لازم فى الفترة دى اللى

هى بتبقى تقريبا 3 شهور لازم توصل لاكبر حجم عضلى ممكن عشان وانت بتنشف

لو حصل وخسرت عضل بنسبة بسيطة ميبانش عليك اوى

2- لازم تهتم بكل عضلات جسمك عشان لو اهملت عضلة معينة ممكن دة يعرضك للاصابة لا

قدر الله

3- لو عندك عضلة ضعيفة ايان كانت مرنها الاول فى التمرين عشان بتكون

لسة بالباور بتاعك ولازم تكون واكل كمية كبيرة من الكارب قبل التمرين على الاقل

ب3 ساعات

4- لاتتوجة للمنشطات والحقن لما لها من عواقب سلبية جدا على الصحة فى المستقبل

5- الجسم اللى بتحلم بية عبارة عن معادلة لازم تعملها صح وهى

التغذية + التمرين + الراحة = الجسم اللى انت عاوزة

6- لازم تبعد عن الاكلات اللى فيها دهون كتير وهى الوجبات السريعة

والبرجر والحاجات دى والشيبسى والمشروبات الغازية وخلافه ... ك / ابراهيم حنفي ... ارجو من الاعضاء مشاركة الموضوع خحتي تعم الفائدة ...