- lolyan•°o.O مشرفة قسم المواقف والطرائف O.o°•
عدد المساهمات : 682
نقاط : 53664
النشاط : 999
العمر : 31
قصيدة لغير الله ما نشكى "خواطر شعبى جديدة من احلام مسافر
الأحد فبراير 13, 2011 1:26 am
لغير الله ما نشكى لحد .... وماعنديش فدنيا خصوم
وعندي اجواد تغلب فلعدد .... ونعرف ناس في كل يوم
وليهم طبع لو نوصف بجد .... مانوفيش فيهم بتموم
سبب شقاي من ناير الخد.... كلامه لي ياتي بلهجوم
في قسواه يبيني نكون ند .... واني مانيش لصوبي دموم
ولاكن ليه بنوضح برد .... هلموال ماعندا الزوم
اذكر شي اسما الود .... ينسي الهم ويقوي لعزوم
ومانرخيك ياسمح القلد .... حتي لوتزعل علي دوم
ونمسك فيك مانغيب جهد .... عليك الشوق لازمني لزوم
وعقلي ليوم موالك جبد .... بعد حسيت في قولك تلوم
الخاطر جاب طاريك وسرد .... سبب قسواك يحكي للعموم
رغم البعد وعلوت السد .... نكسر فيه ليش اني امغروم
تقاوا اشوي وشويه برد .... خطورك جي كي هب النسوم
نغالي فيك يانقش اليد .... يا مبهاك ياسمح لبسوم
يابو عيون من راهن نهد .... لهن نضرات ينسن فلهموم
حتي لو زاعل بجد .... نراضي فيك مايجينيش نوم
وبعد خصام عليا ترد .... ومستنيك تلقاني نحوم
وحبل الصوب بين رخوة وشد .... كل الناس ضاقت هسموم
طلبت الله وبخيرا يبد .... ويجلي هم من عندا بكوم
وصلو معاي علي مو كيف حد .... رسول الله شفيع كل قوم
صلاحيات هذا المنتدى:
لاتستطيع الرد على المواضيع في هذا المنتدى