شاميات

اذا ما كنت شامي ( عن حأ وحأيئ ) لا تحاول تئرا





أول ما جهجه الضو ، إجا يوسف ليشطف البيت، منشان البأ ، سكّر باب الصئاء، شلح الشحاطة مشان ما يجئجئ، و جرجر الكراسي و شئف الزريعة ، و تكتك شلون بدو يشطف، بحبش شوي، دندل البربيش و شغل المي من الجب، سخنا عالنار لبقبقت و بربقت، و كتا بالحوش الجواني بالطاسة لانو ما عندن سطل أو أسطل و صهريج و خرطوم،

و دعك الارض منيح من الزفر لإنو دبئة ، فك الكمر ليترحرح و شلح الشلحة ، مشان ما تتشحور،

و شلفا وراه، و فشخ فوق المي ، و دأر شوي ، و بعدين نط بجعزة ، آم تفشكل بكومة دف ، وانطبش جواتا،

طبشة آتولية ، و انجرحت إيدو واوا حشّك ولبك، و صرّخ وجعّر آخ يا يامو ، يا يابي ، وإجيت إمو

وبإيدا الطواية و الشمشاية و قالتلو يييي عليك ، ليش عم تحركش و تنكّش ، متل البوبو ، كنت امسيك الدرابزين، شو معمصة عيونك و مفشفش ، ائعود عالبرطوشة ، و تلقح عالزيق ، و حاج تطرطق و تفرتّك ،



وآمت دحتّه دحة ، و جابتلو شئفة شرطوطة و ربطتلوا ياها ، بعد ما غسلتا بالمي وعصرتا ، و طرطشت خراطتا، و آلتلو أوم تكرفت وللي على آمتاك شو نعيان ، ناتع هالطول علفاضي ، أوم من وشّي ، هزيتللي بدني , تضرب بيهالآمة ، وما شطفت البيت ، ولا راح البأ ، ،،





( ولي على كسرتو يلي كتب هالإيميل شو فايء ورايء )



يلي مافهم شي يقولي وانا بشرحها
ههههههههههههههههههههه

اناااااااااا
هههههههههههههه

الشرح
أول ما جهجه الضو <منذ الصباح الباكر >، إجا يوسف ليشطف البيت<اتى الحج ابو مصطفى ليمسح ارض البيت >، منشان البأ<من اجل حشرة البق> ، سكّر باب الصئاء<اغلق باب البيت الرئيسي المطل على الحارة>، شلح الشحاطة مشان ما يجئجئ<خلع حذاءهلكي لا ينثر الماء في انحاء البيت >، و جرجر الكراسي و شئف الزريعة<وحرك الكراسي والنباتات > ، و تكتك شلون بدو يشطف<وفكر مليا كيف يستطيع البدء بالمسح>، بحبش شوي<بحث قليلا>، دندل البربيش<اخذ خرطوم الماء> و شغل المي من الجب<وشغل الماء من مفتاح المياه او الحنفية>، سخنا عالنار لبقبقت و بربقت<وضعها على النار حتى سخنت جيدا >، و كتا بالحوش الجواني بالطاسة لانو ما عندن سطل أو أسطل و صهريج و خرطوم،
>وسكب الماء بصدر المنزل وسكبها بالانء لان البيت لايوجد فيه سطل او صهريج >
و دعك الارض منيح من الزفر لإنو دبئة<وفرك الارض جيدا لانها دبقة > ، فك الكمر ليترحرح و شلح الشلحة ، مشان ما تتشحور،
<القصد انه خلع ملابسه لكي لا تتوسخ >
و شلفا وراه<ورماها بعيدا>، و فشخ فوق المي<وقفز فوق المياه > ، و دأر شوي<استراح قليلا> ، و بعدين نط بجعزة<ولكنه قفز بشكل غير مريح> ، آم تفشكل بكومة دف<فتعثر بكومة حجار > ، وانطبش جواتا،
>ووقع داخلها>
طبشة آتولية<وقع بشكل مؤذي> ، و انجرحت إيدو واوا حشّك ولبك<وجرحت يده جرحا كبيرا>، و صرّخ وجعّر آخ يا يامو<وصرخ مناديا امي امي > ، يا يابي<يا ابي> ، وإجيت إمو<وظهرت امه<


وبإيدا الطواية و الشمشاية و قالتلو يييي عليك<وتحمل بيدها شيئين لا اعرف معناهم وقالت له اه عليك > ، ليش عم تحركش و تنكّش<لماذا تبحث وتدوّر> ، متل البوبو<مثل الرضع > ، كنت امسيك الدرابزين<كان يجب ان تمسك الحافة لا ان تقفز>، شو معمصة عيونك و مفشفش<الا ترى بعينيك> ، ائعود عالبرطوشة<اجلس على الحافة> ، و تلقح عالزيق <واستلق على طرف الحافة>، و حاج تطرطق و تفرتّك ،
<كفاك ضجيجا<


وآمت دحتّه دحة<فربتت عليه> ، و جابتلو شئفة شرطوطة و ربطتلوا ياها ، بعد ما غسلتا بالمي وعصرتا<واتت له بشاشية ووضعتها على يده بعد غسلها بالماء> ، و طرطشت خراطتا، و آلتلو أوم تكرفت وللي على آمتاك شو نعيان<وقالت له قم وكن كالرجال> ، ناتع هالطول علفاضي<طويل بدون لازمة> ،




( ولي على كسرتو يلي كتب هالإيميل شو فايء ورايء )
يا له من شخص مرتاح البال الذي كتب هذا البريد الالكتروني











تحياتي تم الترجمة

حقوق النشر محفوظة
هههههههههههههههههههههههههههههههههههههههههههههههههههههههههههههههههههههههههه
شكرا يا لوليان
جميا جددددددددا