تسمحلى اوديك فى داهية.........؟

تسمحلي أوديك في داهيه؟

تسمحلي أضرك ضرر كبير

تسمحلي أضحك عليك و أخليك تعمل اللى بقولك عليه و متنفذش كلام اللى بيحبك رغم إن كلامي هيضرك

تسمحلي أخليك تضيع فلوسك و صحتك على حاجه ملهاش لزوم

تسمحلي أخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب نظرة تنظرها لحد تاني

تسمحلي أخليك تبطل تعمل الحاجه اللى بتصفي روحك و تقربك من اللى بيحبك

تسمحلي أخليك رخيــــــــص أوي و كل من هب و دب ينهش فيك و انت بيتهيألك إنك جميل أوى

تسمحلي اخليك بدل ما تسكن فيللا جميله تسكن تحت اي كوبري

ها .. قلت ايه ؟ ... يا ترى هتسمحلي بكل ده ؟

ايه ده بتقول مش موافق .. و بتقول عليا مجنونه كمان

طيب استنى استنى أنا مش مجنونه

اصل انت سمحت لحد تاني بكل ده و أنا قلت يمكن تسمحلي انا كمان

مع ان الحد التاني ده عدو ليك و ليا و انا اقربلك منه بكتير

عارف مين هو ؟

لأ انت عارف بس مش واخد بالك

اقولك اسمه

كل الناس عارفه اسمه

حتى الاطفال الصغيرين

إسمه

الشيطان

طيب مش أنا اولى بيك من الشيطان

طيب لو انت مش هتسمحلي بكل ده

يبقى ليه تسمح للشيطان انه يعمل معاك كده

ايه ؟ .. بتقول ايه ؟ ... بتقول انك مسمحتش للشيطان بكل ده

لالالالالا انت سمحتله بس انت ناسي
و انا هفكرك

لما تعصي ربك و تسمع كلام الشيطان يبقى سمحتله يضحك عليك و يخليك تعمل اللى بيقولك عليه و متنفذش كلام ربك اللى بيحبك

لما تشتري بفلوسك سجاير تضر بيها صحتك يبقى سمحتله يخليك تضيع فلوسك و صحتك على حاجه ملهاش لزوم

لما ما تغضش بصرك يبقى سمحتله يخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب النظرة دي

لما ماتصليش يبقى سمحتله يخليك تبطل تعمل الحاجه اللى بتصفي روحك و تقربك من ربك اللى بيحبك

لما تلبسي محزق و مكشوف يبقى سمحتيله يخلي كل من هب و دب ينهش فيكي و انتي بيتهيألك إنك جميله أوى

لما من كتر معاصيك و استسلامك لوسوسة الشيطان تبعد عن الجنه و تقرب من النار يبقى سمحتله يخليك بدل ما تسكن فيللا جميله تسكن تحت اي كوبري

راجع نفسك .. راجعي نفسك

عرفت بقى انى مش مجنونه لما طلبت منك كده

عرفت ان انت اللى مجنون لو كنت بتسمح للشيطان بكده

لو كنت وافقت ع اللى طلبته منك يبقى مش هلومك لما تسمع كلام الشيطان

لكن لا الفطره ولا العقل ولا المنطق ولا الاخلاق و لا الدين ولا كلام ربنا يوافق على الكلام ده

لله يجازيك ياشطان

وديتنا فى دواهى
موضوع رائع


[ندعوك للتسجيل في المنتدى أو التعريف بنفسك لمعاينة هذه الصورة]

على رايك ياكيرو ودانا فى داهية

شكرا لمرورك.............

شكرا الله يبعد عنا الشيطان واتباعه من الناس 

شكرا على المرور.........

تعليق بسيط :
الشيطان هو ملاك سقط
الشيطان في جهنم
الشيطان ليس له مردا او رجوع
ف بماذا يفعل ؟
لآنه راح في داهية عاوز البشر كلها تيجي معاه
عايز تبعد عنه ادعى وقول يارب
ابعده عنا واحفظنا واغفر لنا وافتح لنا طريقك وابعد عنا عدو الخير وقربنا ليك واهدينا ليك
أمين

عندك حق يازيكو وكلامك صح

وشكرا على المرور......

تسمحلى انت اقولك موضوع رائع وابعدوا عن الشيطان يحسن الشيطان مبيصدق ههههه

ههههههههههه

منور التوبيك ياباشا......