جوازة سحرية

الثلاثاء أكتوبر 05, 2010 7:35 pm

جوازة سحرية

من خلال الواقع المبهج الملموس

وما يحدث حولنا هنا وهناك

إليكم
جوازة سحرية

إلى

كل فتاةجدعة...... و برده مش جدعة

إلى

كل شاب جدع...وبرده مش جدع
صدقوني انتو صعبانيين عليه
أولا

يا بنتي ابدأي بتكوين نفسك وحاولي تشوفي
عقد عمل لأبوكِ في بلاد بره
علشان يسافر 20سنة ويقدر يبني عمارة ويبقى عندك شقة

وانت يا بني اشتغل 3 شغلانات الصبح والضهر وبالليل علشان تقدر تدفع إيجار شقة(إيجار جديد) لأنك أصلا
مش حا تقدر تدفع تمن شقة تمليك

ثانيا

مش مهم الفرح يبقى في نادي...الناس كده كده

مش حا يعجبهم البوفية

حا يطلعوا يشتموا في العريس والعروسة وسنينهم..

خليها حاجه ساقعة أو
البسواكلكم
باتيناج وفوتوا على
محل عصير قصب ويبقى فرح تيك أواي

ثالثا

مفيش داعي تشتري فستان استلفي فستان زوزو بنت خالتك

هو صحيح واسع عليكِ بس مش مهم أربطيه بحزام
...أهي ساعة والسلام

رابعا

ليه تشتري بدله ب3000جنيه... خد بدلة رامي صاحبك

أيوه اللي استلفها الشارع كله..
.أهي لسه ماسكه نفسها عاوزة بس تتكوي
وتنية البنطلون تتفك
لأنك أطول منه
وأهي ساعة وتعدي

خامسا

الشبكة تبقى بالنص

هي مش أحسن منك يعني...انت كمان عريس زي الفل

أو تشتروها شهر كده ...وبعد ما الناس تتفرج على الشبكة وانتوا كمان تتفرجوا عليها ....تبيعوها وتجيبوا العفش

سادسا
مفيش داعي للسفرة...أصلا مش حا تقدروا تعزموا حد..
.لزمتها إيه بقى وبعدين
دي عاوزالها طقم صيني
يترص
وطقم كاسات علشان يبان في النيش ومفرش مشغول
وفازة تتحط عليها...

سابعا
ليه صالون!
مفيش ضيوف
أصلا حا يخافوا ييجوا لأنهم لازم يجيبوا حاجة معاهم...تورتاية أو علبة شوكولاته و الناس مقاطعة الحاجات دي
وبعدين الصالون عاوز فازة كروازينية وبرواز سيرما ونجفة من درب البرابرة
بلاش يا ولاد

ثامنا
ليه تلاجة....ليــــــــــــــــه
مالها القلّة
وبعدين انتوا حا تحطوا أصلا إيه في الفريزر...؟
كيلو اللحمة بقى بكام؟
قاطعوها
وقاطعوا كل حاجة
والفراخ فيها أنفلونزا...والسمك ملوث....واللب مغشوش...واللانشون والجبن مضروبة

تاسعا
ليه سجاجيد؟
الدنيا حررررر
وبعدين لو الشقة سيراميك,,,,مش حا تحتاج لفرش
هم اللي بيقولوا كده في التلافزيون
وكمان بلاش شقة لأنك حا تضطر تدفع فواتير إيجار ونور ومية وغاز ووصلة الإنترنت ووصلة التليفزيون يا إما حماتك حا تخليك تشتري دش
صدقني بلاش
عاشرا

لية تخلفوا...العيال عاوزة مصاريف
ولادة ومستشفى وحضانة ومدرسة ولبس العيد...
وأكل تااااااني
وحا يزنوا عليك بقى ويقولوا لك
ودينا المصيف وهات شوكلاته وتفاح و موز ومانجه

وأخيرا
ليه تتجوزا
ما انتوا حلوين أهه وعندكم إنترنت وبتقروا كلامي....
بلاش أحسن
واستنوا لما حد يربح المليون
تصدقوا
المليون مش حا يكفوا يا ولاد
الله يكون في عونكم