- lolyan•°o.O مشرفة قسم المواقف والطرائف O.o°•
عدد المساهمات : 682
نقاط : 53664
النشاط : 999
العمر : 31
سلامة راسك " خواطر جديدة ليبى شعبى
الأحد فبراير 13, 2011 1:34 am
سلامة راسك
سلامة راسك .. فى قلب ملّكته جميع احساسك .. وعظم الله أجرك
قلبى الميت فيك .. ما عاد يجبده شوق وغلا طاريك
اللى بايعك م الاصل ما يبيك .. يا قلب تبعتك وخاب احساسك
وما يطعنك فالظهر غير الليك .. تبنى وهو يهدم بقايا ساسك
ويا عين ما تبكى على غاليك .. كانش بدمعك يتّقوى باسك
بكرة يجيبه الياس ويلاقيك .. بعيون ذبّلها الشوق وياسك
خاين ودرسك حافظه قاريك .. ما عاد نامنلك ونملى كاسك
دمع وندم وهموم بنوريك .. ونضحك لمن جرّح غلاك وداسك
يا عازتك منهو اللى يشريك .. خاين قليل الاصل بايع ناسك
تحسابنى ما زال بنداريك .. ونذوب فى رقة نسيم انفاسك
وضحت الصورة يا سلام عليك .. واعلنت فى سوق الغلا افلاسك
سلامة راسك .. فى قلب ملّكته جميع احساسك .. وعظم الله اجرك
صلاحيات هذا المنتدى:
لاتستطيع الرد على المواضيع في هذا المنتدى